"Barselona" klubunun yeni prezidenti Xuan Laportanın komandaya transfer etmək istədiyi ilk futbolçunun adı məlum olub.

Offsideplus.az xəbər verir ki, Kataloniya təmsilçisi "Bavariya"nın futbolçusu David Alabanı sıralarına qatmaq niyyətindədir.

Klub prezidenti 28 yaşlı müdafiəçini əsas transfer hədəfi hesab edir.

Alabanın Münhen təmsilçisi ilə hazırkı müqaviləsinin müddəti bu ilin yayında başa çatacaq. O, fevralın 16-da klubla sözləşməni uzatmayacağını və yayda komandadan ayrılacağını açıqlayıb.