"Atletiko"nun futbolçusu Anxel Korrea zədələnib.

Offsideplus.az Madrid təmsilçisinin rəsmi saytına istinadən xəbər verir ki, 25 yaşlı argentinalı yarımmüdafiəçi komandanın məşqində sol ayağından xəsarət alıb.

Korreanın zədəsinin müddəti barədə məlumat verilməyib. Daha əvvəl "Atletiko"nun digər futbolçusu Joao Feliks də zədələnib. 

Qeyd edək ki, Anxel Korrea bu mövsüm 33 matçda meydanda olub və 7 qol vurub. Koronavirus pandemiyası səbəbindən dayandırılan İspaniya La Liqasının iyunun 11-də bərpa olunacaq.