Kişilərdən ibarət şpaqa üzrə Azərbaycan milli komandası Türkiyənin Konya şəhərində keçirilən V İslam Həmrəyliyi Oyunlarında qızıl medal qazanıb.
Offsideplus.az xəbər verir ki, Ruslan Həsənov, Kənan Əliyev və Barat Quliyevdən ibarət komanda finalda İran yığması ilə üz-üzə gəlib.
Görüşdən 45:35 hesabı ilə qalib ayrılan millimiz fəxri kürsünün ən yüksək pilləsinə qalxıb.
Qeyd edək ki, daha əvvəl sablya üzrə qadınlardan ibarət Azərbaycan yığması İslamiadada qızıl medal qazanmışdı.
