Rusiyada fəaliyyət göstərən "Qarabağ Moskva" futzal klubu fəaliyyətini dayandırması barədə xəbər vermişdik.
Klubun sabiq rəhbəri və oynayan məşqçisi Elnur Vəliyev Offsideplus.az-a müsahibəsində klubunda dağılma səbəbləri və gələcək planları barədə danışıb:
- Klub dağıldıqdan sonra hansı işlə məşğulsunuz?
- Təəssüflər olsun ki, "B" kateqoriyalı məşqçi olsam da, hazırda işsizəm. Təmənnasız olaraq "StarBall" uşaq məktəbinin baş məşqçisi vəzifəsini icra edirəm. Eyni zamanda futzal üzrə I liqada mübarizə aparan "Legenda" klubunun da baş məşqçisiyəm. Bu işi də təmənnasız edirəm.
- "Qarabağ" klubunun fəaliyyətini dayandırmasına səbəb nə oldu?
- Maddi dəstəyin olmadığı yerdə klub saxlamaq çətindir. Hətta bu klub həvəskar olsa belə.
- Daha əvvəl də maddi problemlər var idi, sonra kömək edən olmuşdu?
- Cəmi bir dəfə olub. 2015-ci ildə Ümumrusiya Konqresinin rəhbəri İlqar Hacıyev Ukraynanın Odessa şəhərinə beynəlxalq turnirə yollanmağa kömək edib. Bizə demişdi ki, Odessadan qayıtdıqdan sonra sizə hər zaman kömək edəcəyəm. Lakin, biz qayıdandan sonra bizə yardımçı olmadı. Bir müddət keçdikdən sonra Rusiyada olan Qarabağ ansamblının rəhbəri Famil Əhmədov əlindən gələni etdi ki, biz çıxışlarımızı davam etdirək. Sağ olsun, bizim üçün zəhməti çox olub. Ondan sonra Əli adlı bir azərbaycanlı iş adamı bizə kömək etdi və beləcə biz 2016/17 mövsümünü başa vurduq. Lakin onun da imkanları tükəndi. Bununla da, 2017-ci ilin noyabrında komandamız heç bir yarışa qatılmadı və fəaliyyətimizi dayandırdıq.
- Açıqlamalarınızın birində ermənilərdən sponsorluq təklifi aldığınızı demişdiniz...
- Bəli, bizim Həvəskarlar Liqasından Peşəkar Liqaya çıxmaq fikrimiz var idi. Həvəskarlar Liqasında demək olar ki, birinciliyi təmin etmişdik. Amma təkcə istəklə Peşəkar Liqaya çıxmaq mümkün deyil, maddi dəstəyə ehtiyac var idi. Kimə müraciət edirdimsə, təklifimi cavabsız qoyurdular. Bu zaman da ermənilərdən sponsorluq təklifi gəldi. Lakin, bir şərt qoymuşdular ki, klubun adı "Artsax" olmalıdır. Mən isə onlara "Mən komandanı ləğv edərəm amma elə hərəkət etmərəm." deyə cavab verdim və onlarla söhbətimiz yekunlaşdı.
- Hazırda klubun yenidən bərpası gündəmdədirmi?
- Noyabrın 4-ündə keçiriləcək bir yoldaşlıq görüşündə iştirak edəcəyik. Rəqibimiz Hollandiyada çempion olmuş, noqaylar arasında keçirilmiş beynəlxalq liqanın qalibi "Birlik" komandası olacaq. Komandanın taleyi bu görüşdən sonra bəlli olacaq.
- "Legenda" klubu barədə bir qədər məlumat verərdiniz.
- "Legenda" adlı futzal komandam var. Artıq 3 ildir bu komandanın baş məşqçisiyəm. Komanda I liqada çıxış edir. Qadınların "Panteon" Liqasının qızıl və bürünc medallarının sahibi olub. Bir çox yerli turnirlərin qalibi olub. Bir neçə gün sonra Moskvanın Birinci Liqasının oyunları start götürəcək və biz orada qüvvəmizi sınayacayıq.
- Bu klubla gələcək planlarınız nədir?
- Rusiyanın 2 şirkəti həvəskar liqada iştirak üçün dəstək olur. Komandanı peşəkar komanda edib, Rusiya çempionatına çıxarmaq istəyirəm.
- Azərbaycanda işləməyi düşünürsünüzmü?
- Ola bilsin nə vaxtsa bu qərara gəldim. Amma indilik belə bir planım yoxdur.
Rusiyada fəaliyyət göstərən "Qarabağ Moskva" futzal klubu fəaliyyətini dayandırması barədə xəbər vermişdik.
Klubun sabiq rəhbəri və oynayan məşqçisi Elnur Vəliyev Offsideplus.az-a müsahibəsində klubunda dağılma səbəbləri və gələcək planları barədə danışıb:
- Klub dağıldıqdan sonra hansı işlə məşğulsunuz?
- Təəssüflər olsun ki, "B" kateqoriyalı məşqçi olsam da, hazırda işsizəm. Təmənnasız olaraq "StarBall" uşaq məktəbinin baş məşqçisi vəzifəsini icra edirəm. Eyni zamanda futzal üzrə I liqada mübarizə aparan "Legenda" klubunun da baş məşqçisiyəm. Bu işi də təmənnasız edirəm.
- "Qarabağ" klubunun fəaliyyətini dayandırmasına səbəb nə oldu?
- Maddi dəstəyin olmadığı yerdə klub saxlamaq çətindir. Hətta bu klub həvəskar olsa belə.
- Daha əvvəl də maddi problemlər var idi, sonra kömək edən olmuşdu?
- Cəmi bir dəfə olub. 2015-ci ildə Ümumrusiya Konqresinin rəhbəri İlqar Hacıyev Ukraynanın Odessa şəhərinə beynəlxalq turnirə yollanmağa kömək edib. Bizə demişdi ki, Odessadan qayıtdıqdan sonra sizə hər zaman kömək edəcəyəm. Lakin, biz qayıdandan sonra bizə yardımçı olmadı. Bir müddət keçdikdən sonra Rusiyada olan Qarabağ ansamblının rəhbəri Famil Əhmədov əlindən gələni etdi ki, biz çıxışlarımızı davam etdirək. Sağ olsun, bizim üçün zəhməti çox olub. Ondan sonra Əli adlı bir azərbaycanlı iş adamı bizə kömək etdi və beləcə biz 2016/17 mövsümünü başa vurduq. Lakin onun da imkanları tükəndi. Bununla da, 2017-ci ilin noyabrında komandamız heç bir yarışa qatılmadı və fəaliyyətimizi dayandırdıq.
- Açıqlamalarınızın birində ermənilərdən sponsorluq təklifi aldığınızı demişdiniz...
- Bəli, bizim Həvəskarlar Liqasından Peşəkar Liqaya çıxmaq fikrimiz var idi. Həvəskarlar Liqasında demək olar ki, birinciliyi təmin etmişdik. Amma təkcə istəklə Peşəkar Liqaya çıxmaq mümkün deyil, maddi dəstəyə ehtiyac var idi. Kimə müraciət edirdimsə, təklifimi cavabsız qoyurdular. Bu zaman da ermənilərdən sponsorluq təklifi gəldi. Lakin, bir şərt qoymuşdular ki, klubun adı "Artsax" olmalıdır. Mən isə onlara "Mən komandanı ləğv edərəm amma elə hərəkət etmərəm." deyə cavab verdim və onlarla söhbətimiz yekunlaşdı.
- Hazırda klubun yenidən bərpası gündəmdədirmi?
- Noyabrın 4-ündə keçiriləcək bir yoldaşlıq görüşündə iştirak edəcəyik. Rəqibimiz Hollandiyada çempion olmuş, noqaylar arasında keçirilmiş beynəlxalq liqanın qalibi "Birlik" komandası olacaq. Komandanın taleyi bu görüşdən sonra bəlli olacaq.
- "Legenda" klubu barədə bir qədər məlumat verərdiniz.
- "Legenda" adlı futzal komandam var. Artıq 3 ildir bu komandanın baş məşqçisiyəm. Komanda I liqada çıxış edir. Qadınların "Panteon" Liqasının qızıl və bürünc medallarının sahibi olub. Bir çox yerli turnirlərin qalibi olub. Bir neçə gün sonra Moskvanın Birinci Liqasının oyunları start götürəcək və biz orada qüvvəmizi sınayacayıq.
- Bu klubla gələcək planlarınız nədir?
- Rusiyanın 2 şirkəti həvəskar liqada iştirak üçün dəstək olur. Komandanı peşəkar komanda edib, Rusiya çempionatına çıxarmaq istəyirəm.
- Azərbaycanda işləməyi düşünürsünüzmü?
- Ola bilsin nə vaxtsa bu qərara gəldim. Amma indilik belə bir planım yoxdur.
