"Sabah" FİBA Avropa Kubokunun müntəzəm mövsümündə ilk oyununu oktyabrın 9-da keçirəcək.

Offsideplus.az xəbər verir ki, Azərbaycan çempionu G qrupunda birinci oyununu "Spiru"ya (Belçika) qarşı oynayacaq.

Qarşılaşmaya Bakı vaxtı ilə 22:30-da start veriləcək. Həmin oyun İTV-də canlı yayımlanacaq.

Qeyd edək ki, "Sabah"ın qrupdakı digər iki rəqibi isə "Nörçöppinq Delfins"(İsveç) və "Marussi"(Yunanıstan) klublarıdır.