Avro-2024-ün seçmə mərhələsi çərçivəsində iyunun 17-də, saat 20:00-da “Dalğa Arena”da Estoniya yığması ilə qarşılaşacaq Azərbaycan seçməsi yoxlama oyunu keçirib.

Offsideplus.az xəbər verir ki, Bakı Olimpiya Stadionunda 21 yaşadək futbolçulardan ibarət komanda ilə qarşılaşan millimiz 5:2 hesablı qələbə qazanıb.

Mahir Həsənovun avtoqol müəllifi olduğu oyunda millimizin digər qollarını Mahir Emreli, Filip Ozobiç, Musa Qurbanlı və Toral Bayramov vurublar. U-21-in heyətində isə Elçin Qasımov və Ağadadaş Salyanski fərqlənib.