"Qarabağ"da gözlənilən ayrılıq baş tutub.
Ağdamlıların futbolçusu Dino Ndlovunu Çinin “Xançjou Qrintaun” klubuna satıb. Offsideplus.az xəbər verir ki, Cənubi Afrika Respublika millisinin üzvü asiyalılarla 2 illik sözləşmə imzalayıb.
Bu səbəbdən futbolçu bu gün “Qarabağ”la birlikdə təlim-məşq toplanışı üçün Antalyaya yollanmayıb. O, CAR-ın paytaxtı Yoxannesburqdan Çinə uçacaq.
Bu keçidin ağdamlılara 750 min avro qazandırdığı bildirilir. Bu isə 1,5 milyon manat edir.
Qeyd edək ki, Ndlovu “Qarabağ”a 2016-cı ilin yanvarında transfer olunmuşdu. O, “atlılar”ın heyətində meydana çıxdığı 54 oyuna 20 qol vurub, 7 məhsuldar ötürmə ilə yadda qalıb.
Mənbə: yenicağ.az
