Offsideplus.az İdman Araşdırmalar Mərkəzinə istinadən xəbər verir ki, “Report”un dəstəyi ilə keçirdiyi səsvermə nəticəsində "Neftçi" klubunun yarımmüdafiəçisi Namiq Ələsgərov mövsümün ən yaxşı futbolçusu seçilib. Səsvermədə 8 komandadan ümumilikdə 184 nəfər (176 futbolçu, 8 baş məşqçi) iştirak edib.

 

32 namizəd futbolçu arasındandan N.Ələsgərov 51 səslə birinci yeri tutub. O, səslərdən 48-ni futbolçulardan, 3-nü isə baş məşqçilərdən alıb. Ötən mövsümün ən yaxşısı seçilmiş "Qarabağ"ın yarımmüdafiəçisi Abdullah Zubir futbolçulardan 32, baş məşqçilərdən 2 səs alaraq, bu dəfə ikinci olub. Üçüncü yeri isə "Neftçi"nin daha bir orta sahə oyunçusu Sabir Buqrin 24 səslə tutub. Ona səslərin hamısını futbolçular verib. Qalan baş məşqçilərdən 3-ü "Neftçi"dən Emin Mahmudova, biri isə "Qarabağ"dan Mahir Emreliyə səs verib.

 

Səsvermənin əsas şərtinə əsasən, respondentlər öz komandalarının futbolçularına səs verməyiblər.

Qeyd edək ki, Ələskərov 2020/2021 mövsümündə Azərbaycan çempionu və 19 qolla bombardir olub.

Xatırladaq ki, mövsümün ən yaxşı futbolçusunu ardıcıl dörd ildir İdman Araşdırmalar Mərkəzi "Report"un dəstəyi ilə 8 klubun oyunçuları və baş məşqçiləri arasında sorğu nəticəsində müəyyənləşdirir. Hazırda "Sumqayıt"a məxsus Cavid İmamverdiyev 2017/2018, "Neftçi"nin kapitanı Emin Mahmudov isə 2018/2019 mövsümünün ən yaxşı futbolçusu seçilib.