Bu gün futbol üzrə Azərbaycan Premyer Liqasında II turun son oyunu keçirilib.
Offsideplus.az-ın məlumatına görə, "Zirə" komandası evdə "Neftçi"ni qəbul edib. FİFA referisi Rəhim Həsənovun idarə etdiyi oyun meydan sahiblərinin minimal hesablı qələbəsi ilə yekunlaşıb. Oyunun 27-ci dəqiqəsində vurulan yeganə qolun müəllifi Cavid Hüseynov olub.
***
Bu gün futbol üzrə Azərbaycan Premyer Liqasında II turun son oyunu keçiriləcək.
Offsideplus.az-ın məlumatına görə, "Zirə" komandası evdə "Neftçi"ni qəbul edəcək. FİFA referisi Rəhim Həsənovun idarə edəcəyi görüş saat 21:00-da başlanacaq.
Hər iki kollektiv çempionata qələbəsiz start verib. "Zirə" səfərdə "Səbail"ə 0:1 hesabı ilə uduzubsa, "Neftçi" evdə "Sabah"la heç-heçə edib - 1:1.
Azərbaycan Premyer Liqası, II tur
26 avqust (bazar ertəsi)
19:00. “Zirə” – “Neftçi”
Hakimlər: Rəhim Həsənov, Namiq Hüseynov, Eyyub İbrahimov, Rauf Cabbarov
Zirə İdman Kompleksinin stadionu
Qeyd edək ki, II turun əvvəlki 3 qarşılaşmasında "Səbail" səfərdə "Sumqayıt"ı, "Qarabağ" "Qəbələ"ni darmadağın edib - 3:0. "Sabah" isə öz meydanında "Keşlə"yə uduzub - 0:1.
