Red Bull Flick - CS:GO üzrə yeni və unikal turnir keçiriləcək.

Offsideplus.az xəbər verir ki, 8-9 may tarixində tam fərqli qaydalarla, iki ikiyə matçlar və yeni xəritələrlə oyun təşkil olunacaq.

Red Bull Flick – 2x2 (iki ikiyə) formatında keçirilən "Counter Strike:Global Offensive" turniridir. Bu turnir 2019-cu ildən keçirilir.
Turnirdə yaşı 18-dən çox olan Azərbaycan vətandaşları iştirak edə bilərlər. İştirak üçün ödəniş tələb olunmur.

Kapitan komanda yaradaraq üzvləri turnirdə qeydiyyatdan keçirməzdən əvvəl komanda oyunçularının hamısının öz “Steam” hesablarını uyğunlaşdırması zəruridir.

Hər bir onlayn seçməsində dörd komanda "play-off" mərhələsinə yüksəlir. "Play-off" mərhələsində isə ümumilikdə 8 komanda finalda oynamaq üçün mübarizə aparacaq.

CS:GO yarışmasında həvəskarlardan peşəkarlaradək bütün oyunsevərlər iştirak edə bilərlər. İştirakçılar 2x2 formatında Azəbaycanın ən yaxşısı olmaq uğrunda mübarizə apara biləcəklər. Çempionluğa aparan yol onlayn seçimlərdən və final mərhələsindən keçəcək.

Yarışın qalibinə 1000 AZN mükafat veriləcək. İkinci pillənin sahibi 700, üçüncü yeri tutan isə 300 AZN mükafat alacaq.

Qeydiyyat üçün link: Red Bull Flick qeydiyyat

Qaydalarla tanış olmaq üçün link: Qaydalar və Yeniliklər