İtaliya superkuboku Səudiyyə Ərəbistanında keçiriləcək.

Offsideplus.az xəbər verir ki, tanınmış jurnalist Camal Kaşıqçının bu ölkənin Türkiyədəki səfirliyində öldürülməsindən sonra Superkubokun yerinin dəyişdiriləcəyi deyilirdi. Lakin A seriyasıın rəhbərliyi xəbəri təkzib edib. Deyilənlərə görə, İtaliyanın Səudiyyə Ərəbistanındakı səfiri Luka Ferari A seriyasının prezidenti Qaetano Mikkiçdən xahiş edib ki, matçın yeri dəyişdirilməsin. Səfir hesab edir ki, bu addım beynəlxalq balansın qorunmasına dəstək ola bilər. Beləliklə, Yuventus və Milan arasında keçiriləcək İtaliya Superkuboku gələn il yanvarın 19-da Ciddə şəhərində təşkil olunacaq.

Qeyd edək ki, bu iki klub hərəyə 7 dəfə Superkubokun qalibi olub. Yuventus və Milan kubok matçında sonuncu dəfə 2016-cı ildə qarşılaşıb. Əsas vaxtda bərabərlik qeydə alınıb-1:1. Penaltilər seriyasında Milan üstün olub-4:3.