"Bavariya" bu mövsüm uğursuzluqdan çıxa biləcəyini göstərib.

"Real"da yüksək səviyyədə çıxış üçün təcrübəli oyunçular var. Ən yaxşı oyunumuzu göstərmək üçün Madridə getmişik. Dərk edirik ki, yarışın son qalibi ilə oynayacağıq".

Offsideplus.az xəbər verir ki, bu sözləri "Bavariya"nın baş məşqçisi Yupp Haynkes Çempionlar Liqasının yarımfinalında "Real"la cavab oyunu öncəsi UEFA-nın saytına deyib.

O, Madrid klubu ilə görüşün çətin keçəcəyini bildirib:

"Real" bu cür vacib oyunlara öyrəşib, biz də həmçinin. "Bavariya" çətin rəqib olacaq. Biz vuruşacağıq. Çempionlar Liqasının finalına çıxmaq istəyirik. "Real" bizə mane olmaq üçün bacardığı hər şeyi edəcək. İlk görüşlə müqayisədə daha yaxşı oynamalıyıq. Qol şanslarından istifadə etməliyik. Qol vurmaq üçün əlimizdən gələni edəcəyik".