"Barselona" "Real"da forma şansı tapa bilməyən Marko Asensionu transfer etmək istəyir.

Offsideplus.az "Mundo Deportivo"ya istinadən xəbər verir ki, 26 yaşlı forvardın "Kral klubu" ilə müqaviləsinin müddəti cari mövsümün sonunda başa çatır. Kataloniya təmsilçisi azad agent olaraq ispaniyalı futbolçunu heyətinə qatmağı planlaşdırır. Asensionun agenti Jorje Mendesin "Barselona" ilə yaxınlığı bu keçidin reallaşmasında böyük rol oynaya bilər.

Qeyd edək ki, Asensio mövsüm başlayandan 4 oyunda iştirak edib, ümumilikdə 47 dəqiqə meydanda olub.