Klassik qollar, futbolçular və əlamətdar anlarla seçilən La Liqada bu günün tarixinə boylandıq.
Offsideplus.az rəsmi tərəfdaşı La Liqa-ya istinadən 5 iyun tarixində baş verən hadisələri təqdim edir:
2016 və 2017-ci ilin 4 iyunu. "Leqanes" və "Xirona" nəhayət La Liqaya yüksəlməyi bacardılar.
Yaxşı idarə olunan kiçik klubların böyük addım ataraq La Liqaya yüksəlməsi İspaniya futbolunda son illərdə baş verən ən müsbət inkişaflardan biridir. 4 iyun tarixi iki klubun qələbəni qeyd etməsi ilə yaddaşlarda qalıb. Pablo İnsuanın başla vurduğu qol "Leqanes"ə 1:0 hesablı qələbə gətirməklə yanaşı, komandanın La Liqaya vəsiqə qazanmasını təmin etdi.
Həmin gündən 12 ay sonra isə "Xirona" komandası İspaniya çempionatına yüksəlmək sevincini yaşadı. Doğma meydanda "Real Zaraqoza" ilə 0:0 hesablı heç-heçə edən Kataloniya təmsilçisi 87 illik fasilədən sonra La Liqaya vəsiqə qazanmağı bacardı.
Çıxış etdikləri dönəm İspaniya çempionatına rəng qatan hər iki komanda, hazırda Sequndada mübarizəni davam etdirir.
