"Real"ın baş məşqçisi Zinədin Zidan "Mançester Yunayted"lə adı hallanan futbolçusu Rafael Varanın transferi məsələsinə aydınlıq gətirib.

Offsideplus.az xəbər verir ki, fransalı mütəxəssis Varan üçün təklif olunan məbləğdən asılı olmayaraq 27 yaşlı futbolçunu satmayacağını deyib. Zidan bu sözləri "Vilyarreal"la oyun öncəsi verdiyi mətbuat konfransında qeyd edib:

"Onu saxlamaq istəyən təkcə mən deyiləm. Varan klubun bir parçasıdır, onu Madridə gətirə bildiyimiz üçün çox şanslıyıq. Karyerası çox parlaqdır, bura gəldikdən sonra bir çox nailiyyətlər əldə etdi. Təbii ki, o transfer edilməyəcək".