​"Barselona" klubunun keçmiş prezidenti Xosep Mariya Bartomeu braziliyalı ulduz Vinisius Juniorun transferi ilə bağlı illər sonra səs gətirəcək etiraflar edib.

Offsideplus.az xəbər verir ki, ​Bartomeu hazırda dünya futbolunun ən parlaq simalarından biri olan Vinisiusun bir vaxtlar Kataloniya klubuna keçməyə çox yaxın olduğunu bildirib:

​"Biz Vinisiusu transfer etmək üçün tam razılıq əldə etmişdik. Hər şey hazır idi. Lakin sonradan 'Real Madrid' dövrəyə girdi və bəlkə də daha yaxşı bir təkliflə transferi 'oğurladı'."

​Keçmiş prezidentin bu sözləri, "Barselona" azarkeşləri arasında böyük təəssüf hissi ilə qarşılanıb. Vinisius Junior "Flamenqo" klubundan "Real Madrid"ə keçdikdən sonra "Kral Klubu"nun uğurlarında əsas pay sahiblərindən birinə çevrilib.