"Tottenhem”in futbolçusu Dele Alli aprelin 12-də ad gününü qeyd edib.

Offsideplus.az xəbər verir ki, 24 yaşı tamam olan oyunçu koronavirusla bağlı tətbiq olunan karantinə görə, doğum gününü təmtəraqla qeyd edə bilməyib.
"Tottenhem”in baş məşqçisi Joze Mourinyo gəzinti zamanı futbolçu ilə rastlaşıb, tələb olunan sosial məsafəni saxlayaraq onu təbrik edib. Mourinyo futbolçunu təbrik edərkən yolun digər hissəsində dayanıb.

Qeyd edək ki, bir müddət əvvəl Joze karantin qaydalarını pozaraq futbolçularla məşq etdiyi üçün klub rəhbərliyi ona töhmət vermişdi.