İspaniya La Liqasının XXXII turunda "Espanyol"la qarşılaşacaq "Real" Barselonaya ciddi itkilərlə yollanacaq.

Offsideplus.az xəbər verir ki, müdafiəçi Ferlan Mendi və yarımmüdafiəçi Luka Modriç sarı vərəqə limitini doldurduğu üçün cəzalı duruma düşüb. Müdafiəçi Naço Fernandes, yarımmüdafiəçi Lukas Vaskes və hücumçu Luka Yoviç isə zədələrini sağaltmaqla məşğuldurlar və onlar da qarşıdakı turu buraxacaqlar.

Qeyd edək ki, "Espanyol" - "Real" oyunu iyunun 28-də keçiriləcək.