"Məqsədimizə çatdığımız üçün xoşbəxtik".

 Bu sözləri Offsideplus.az-açıqlamasında Azərbaycan millisinin üzvü Ayşən Abduləzimova "Vaşaş"ın heyətində Macarıstan çempionu olması barədə danışarkən deyib.

O, çempionluq təəssüratları haqda bunları danışıb:

"Mövsümüm əvvəlində 3 kuboku almaq məqsədimiz var idi, buna da çatdıq. İnşallah, bundan sonra da uğurlarımız davam edər. Bunun üçün əlimizdən gələni edəcəyik".

29 yaşlı voleybolçu komandada qalıb-qalmaması barədə də fikir bildirib:

"Hazırda yeni müqavilə haqda danışıqlar gedir. İnşallah, yaxşı olar".

Abduləzimova Azərbaycana qayıdacağı barədə də fikirlərini bildirib:

"İstəyərdim ki, öz ölkəmdə oynayım. Yeni təklif gəlsə, bu haqda düşünərəm. Hamı ailəsinin yanında olmaq istəyər".

Cavid Əliyev