Azərbaycan millisinin futbolçusu Namik Ələskərovun şərəfini qoruduğu "Bursaspor" Türkiyə 1-ci liqasında 25-ci tur oyununa çıxıb.

Offsideplus.az xəbər verir ki, komanda "Tuzlaspor"u qəbul edib və 0:1 hesabı ilə məğlub olub."Tuzlaspor"un heyətində 26-cı dəqiqədə Rayko Rotman və 67-ci dəqiqədə Samet Asatekin qırmızı vərəqə alaraq meydandan qovulsa da, Fransis 87-ci dəqiqədə qələbə qolunu vurub.

Matça start heyətində başlayan Ələskərov 80-ci dəqiqədə əvəzlənib.

Bildirək ki, "Bursaspor" hazırda 24 xalla 16-cı pillədə qərarlaşıb.