İrlandiya millisinin baş məşqçisi Stiven Kenni DÇ-2022-nin seçmə mərhələsi çərçivəsində "evdə" Azərbaycanla 1:1 hesablı heç-heçə etdikləri matçdan sonra fikirlərini bölüşüb.

Offsideplus.az "independent.ie" nəşrinə istinadən xəbər verir ki, 49 yaşlı mütəxəssis nəticədən gileylənib:

"İrlandiya futbolunun tarixi 1:1 hesablı nəticələrlə "doludur". Bu gün üstün oyun sərgiləsək də, nəticə istədiyimiz kimi olmadı. Bu oyunda hesab 3:1, ya da 4:1 olmalı idi. Bu nəticəni qətiyyən qəbul etmirəm".

O, qol epizodunu belə şərh edib:

"Müdafiəçilərimiz qol epizodunda səhvə yol verdilər. Onlar Emin Mahmudovun zərbə vurmasına əngəl ola bilmədilər və "Neftçi"nin futbolçusu topu ustalıqla qapımıza göndərdi".