Çexiya 2-ci divizionunda 17-ci turun oyunları keçirilib.
Offsideplus.az xəbər verir ki, həmyerlimiz Fərid Nəbiyevin formasını geyindiyi “Viktoriya” (Jijkov) da növbəti oyununa çıxıb.
Komanda səfərdə “Pribram”la qarşılaşıb və bu matçdan məğlubiyyətlə ayrılıb - 1:2.
Fərid Nəbiyev bu görüşün iştirakçısı olmayıb. Onun adı matçın iştirak ərizəsinə də daxil edilməyib.
Qeyd edək ki, “Viktoriya” 17 turdan sonra 10 xalla 16 kollektiv arasında sonuncu pillədə qərarlaşıb.
