“Messi elə indi karyerasını bitirə bilər.

Çünki futbol üçün çox şey edib”.

Offsideplus.az xəbər verir ki, bu sözləri “Çelsi”nin sabiq hücumçusu Didye Droqba İspaniya mətbuatına açıqlamasında deyib.

O, Argentina millisi və “Barselona”nın hücumçusunu Maradona və Pele ilə müqayisə edib: 
“Əgər Messi dünya çempionu adını qazansa, əfsanəvi futbolçu olacaq. O, inanılmaz dərəcədə güclü futbolçudur. Bununla belə, hesab edirəm ki, hələ Maradona və Pele səviyyəsinə çatmayıb. Ancaq buna çox yaxındır”.

Qeyd edək ki, Messi bu mövsüm La Liqada meydana çıxdığı 30 oyunda 25 qol vurub.