2022-ci il dünya çempionatının ulduzları üçün olan posterdə Kriştiano Ronaldo yer almayacaq.

Offsideplus.az xəbər verir ki, bu barədə ESPN yayıb. Xəbərə görə, “Mançester Yunayted”in hücumçusu Dohanın göydələnlərində yerləşdiriləcək afişada olmayacaq.

Belə ki, posterdə turnirin 32 ulduzu (hər komandadan bir nəfər) yer alır. Bu cür qərar verilməsinə səbəb kimi 37 yaşlı ulduz oyunçunun “Mançester Yunayted”dəki statusunu itirməsi ilə bağlıdır.

 Afişada Portuqaliya millisinin gənc futbolçulardan birinin yer alacağı gözlənilir.

Mənbənin verdiyi məlumatda o da qey edilir ki, bəzi futbolçuların imic hüquqları ilə bağlı onların agentləri və milli assosiasiyalarla  danışıqlar hələ də davam edir. Buna baxmayaraq, Braziliya millisini  Neymarın, Xorvatiyanı Luka Modriç, Uruqvayı Luis Suares , Seneqalı Sadio Mane, Kanadanı Alphonso Davis və Qətəri isə koamndanın kapitanı Hassan Al Haidos təmsil edəcək.

Qeyd edilir ki, Argentina millisi posterdə hansı futbolçu şəklinin yerləşdiriləcəyi bağlı hələ qərar verməyib.