Yerli mətbuatda yer alan xəbərə görə, millimizin üzvü və hazırda Polşanın "Visla" ( Plotsk ) klubunda çıxış edən Anton Krivotsyuk karyerasını "Qarabağ"da davam etdirmək istəyir. Hətta 23 yaşlı müdafiəçinin "köhlən atlar"a bu haqda məlumat göndərdiyi də iddia edilir.

Məsələnin nə dərəcədə doğru olduğunu öyrənmək üçün Ağdam klubunun mətbuat katibi Gündüz Abbaszadə ilə əlaqə saxladıq.

Klub rəsmisi saytımıza açıqlamasında bu informasiyanın yanlış olduğunu bildirdi.

Qeyd edək ki, bu xəbəri ilk olaraq ( Sportinfo.az ) paylaşıb.

Buna da xatırladaq ki, "Visla" klubu Anton Krivotsyukla yanaşı, bir neçə futbolçunun maaşını ödəyə bilmir. Yığmamızın üzvü bu mövsümün əvvəlində "Neftçi"dən Plotsk təmsilçisinə keçib.

Cavid Əliyev