Madrid “Real”ının daha bir aparıcı futbolçusu sıradan çıxıb.

Offsideplus.az xəbər verir ki, "kral klubu"nun fransalı hücumçusu Kərim Benzema zədələnib.

33 yaşlı forvardın zədədən əziyyət çəkdiyi bildirilsə də, onun nə zaman sağalacağı hələlik bəlli deyil. Onun La Liqanın 24-cü turunda “Valyadolid”lə görüşü buraxacağı dəqiqləşib. Benzemanın UEFA  Çempionlar Liqasının 1/8 final mərhələsində “Atalanta” ilə ilk görüşdə iştirakı da sual altındadır.

Qeyd edək ki, bu günlərdə komandanın digər aparıcı oyunçuları Serxio Ramos, Eden Hazard da zədələnərək uzunmüddətə sıradan çıxıb.