Misli Premyer Liqasında 28-ci tur davam edir.

 Offsideplus.az xəbər verir ki, "Kəpəz" bu gün doğma meydanda autsayder "Səbail"lə qarşılaşıb. Gəncəlilər bu görüşdə 1:0 hesablı qələbəni bayram edib.

28 oyuna cəmi 18 xal toplayan "dənizçilər" isə turnir cədvəlinin son pilləsindən yaxa qurtara bilmir.

Matçla bağlı fikirlərini saytımızla bölüşən "Səbail"in müdafiəçisi Adil Nağıyev komandada vəziyyətin ağır olduğunu bildirib:

"Qələbə qazanmaq istəyirdik, amma təəssüf ki, bu alınmadı. Qol vurmaqçün şanslarımız da oldu, lakin bundan yararlana bilmədik. Ani diqqətsizlikdən qapımızda qol gördük. Oyunu çevirmək isə çox çətin idi. Hazırkı durumumuz çox çətindir. Növbəti oyunadək yığışıb bunu aradan qaldırmalıyıq".

Qeyd edək ki, "Səbail" 29-cu turda "Sabah"ı qəbul edəcək.

Daşqın Əziz