UEFA Avropa Liqasının qrup mərhələsində "Qarabağ"ın rəqibi “Sivasspor”un prezidenti Məcnun Otyakmaz Ağdam təmsilçisi ilə keçirəcəkləri oyundan danışıb.

Offsideplus.az "Fanatik"ə istinadən xəbər verir ki, Superliqanın 10-cu turunda “Karagümrük”lə keçirilən görüşdən (1:1) sonra açıqlama verən 55 yaşlı yaşlı rəhbər bunları deyib:

“Avropa Liqası oyunlarımız və koronavirus pandemiyasına görə meydana problemli və dəyişik bir heyətlə çıxmışdıq. 70 dəqiqə yaxşı oynadıq və çoxlu sayda qol epizodlarımız oldu. Ancaq onları qola çevirmirsənsə, hər hansı bir mənası qalmır. Vurmayana vurarlar prinsipi oldu. Bir penalti epizodu vardı. İzləmədiyim üçün çox şey deyə bilmirəm. Amma mənə VAR hakimkərinin səhv qərar veridiyi barədə zənglər gəldi. Həmin epizodu izləyəcəyəm. Son illər Hüseyin Göçekin təyin olunduğu qarşılaşmalarda problem yaşayırıq. Nə isə baş verir. Təəcüblənirik. inşallah, düzgün qərar verər.

Qarşıdakı çətin matçlar olacaq və heyətdə itkilərimiz var. Böyük uğurları hədəfləyirsinizsə, bu çətinlikləri aşmalısınız. Gələn həftə “Qarabağ”la üz-üzə gələcəyik. Heyətdəki əskiklərə baxmayaraq, “Qarabağ” önünə yaxşı “11-lik”lə çıxacağıq. Təl-Əvivdəki oyunun final görüşü olması üçün “Qarabağ”la oyunda yaxşı nəticə qazanmalıyıq”.

Qeyd edək ki, Azərbaycandakı hərbi vəziyyət səbəbindən noyabrın 26-da İstanbuldakı “Başakşəhər Fatih Terim” stadionunda keçiriləcək “Qarabağ” – “Sivasspor” oyunu Bakı vaxtı ilə 21:55-də başlayacaq.