Avropa çempionatı üçün müraciət edən könüllülərin sayı açıqlanıb.

Offsideplus.az  xəbər verir ki, 12 şəhərdə keçiriləcək AVRO-2020 üçün 159 ölkədən 37 min könüllünün müraciət edib. Bu isə 2016-cı ildə Fransada keçirilmiş yarışdan 15 min çoxdur.

Artıq 12 min könüllü qeydiyyata alınıb. Könüllülük üçün müraciət edənlərin 18 faizi Bakıdan olub. Növbəti sıralarda Rusiyanın Sankt-Peterburq şəhəri (16 faiz), İngiltərənin paytaxtı London (10 faiz) qərarlaşıb. İlk "5-liy"i İtaliyanın paytaxtı "Roma" (10 faiz) ilə Macarıstanın paytaxtı Budapeşt qapayır.

Qeyd edək ki, AVRO-2020-nin təqviminə əsasən, iyunun 13-də Bakı Olimpiya Stadionunda A qrupunun Uels - İsveçrə oyunu keçiriləcək. İyunun 17-də Türkiyə - Uels, iyunun 21-də isə İsveçrə - Türkiyə matçları Azərbaycan paytaxtında təşkil olunacaq. Bundan başqa, iyulun 4-də 1/4 final mərhələsinin bir oyunu Bakıda baş tutacaq.