“Oyunun sonu yaxınlaşdıqca belə halla üzləşə biləcəyimiz barədə düşünürdüm. Son dəqiqələrdə qol buraxmaq və final mərhələsi şansını itirməkdən qorxurdum”.

Offsideplus.az xəbər verir ki, bunu Macarıstan millisinin futbolçusu İştvan Kovaç deyib. AVRO-2020-nin seçmə mərhələsində Azərbaycana 1:0 hesabı ilə qalib gələn macarların futbolçusu qarşılaşmaya şərh verib.

O, Azərbaycan yığmasının 90+3-cü dəqiqədəki sayılmayan qoluna da münasibət bildirib: “Sevinirəm ki, qorxduğumuz başımıza gəlmədi. Hərçənd, rəqib qol da vurmuşdu. Eşitdim ki, bu, təmiz qol idi.

Amma qol düzgün vurulsa da, sayılmamağı bizim problemimiz deyil. Buna görə biz üzr istəyəsi deyilik. Bir neçə dəfə qol imkanım olsa da istifadə edə bilmədim. Amma yaxşı komandalar elə 1:0 hesabı ilə qalib gəlməyi də bacarır”.