Çexiyanın paytaxtı Praqa şəhərində gənc cüdoçular arasında Avropa Kubokuna start verilib.

Offsideplus.az xəbər verir ki, beynəlxalq turnirin ilk günü Azərbaycan cüdoçuları 3 medal qazanıblar.

60 kq çəki dərəcəsində mübarizə aparan Rövşən Əliyev qızıl medala sahib olub. Bu çəkidəki digər cüdoçu Rəşad Yelkiyev bürünc medala layiq görülüb. Davud Abbaslı (66 kq) da bürünc medal qazanıb.

Beləliklə, gənclərdən ibarət milli komanda Praqa turnirinin ilk günündə aktivinə 1 qızıl və 2 bürünc medal yazdırıb.

Qeyd edək ki, Avropa Kubokunda 39 ölkədən 437 cüdoçu yarışır.