PSJ-nin hücumçusu Neymar komandanın azarkeşləri ilə aralarında olan problem haqda fikirlərini bildirib.

Offsideplus.az xəbər verir ki, Neymar bu yay “Barselona”ya keçmək istədiyinə görə parisli fanatlar hələ də ona qəzəblidirlər. Baxmayaraq ki, braziliyalı son üç matçda PSJ-yə qələbə gətirən vacib qollar vurub.

Müsahibəsində Neymar deyib:

“Fanatlarla münasibət sevgilinlə münasibət kimidir. Bəzən siz mübahisə edirsiniz və bir müddət danışmırsınız. Sonra isə sevgi və qayğı sayəsində əvvəlki isti münasibətləri bərpa edirsiniz. Mən PSJ-nin uğuruna görə meydanda canımı qoymağa hazıram”.(qol.az)