"Keşlə" kubunun baş məşqçisi Tərlan Əhmədov Türkiyənin Antalya vilayətində təlim-məşq toplanışı çərçivəsində Almaniyanın 3-cü Bundesliqa təmsilçisi “Zviçkau”ya 1:4 hesabı ilə uduzduqları ilk yoxlama oyununu şərh edib.

Offsideplus.az  xəbər verir ki, o, matçla bağlı deyib:

"İlk hissədə istədiyimiz oyunu görə bilməsək də, fasilədən sonra komanda pis təsir bağışlamadı. Bəzi futbolçularımız bizə yalnız burada qoşuldular və onların fiziki durumunun nə yerdə olduğunu bilmək istəyirdik. Məğlub olmağımıza baxmayaraq, komanda pis təsir bağışlamadı. Demək olar ki, bütün qolları "standart" vəziyyətlərdən sonra buraxdıq. Səhvlərin üzərində işləməliyik və Premyer Liqanın ikinci yarısının ilk qarşılaşmasına tam hazır olmalıyıq”.