"Kəpəz"in baş məşqçisi Adil Şükürov klubun mətbuat xidmətinə Küveytin "Əl-Yarmuk" kollektivi ilə keçirililən yoxlama oyunu barədə fikirlərini bölüşüb.

Offsideplus.az xəbər verir ki, mütəxəssis "sarı-göylər"in 2:1 hesabı ilə qalib gəldiyi matçda yeni futbolçuların özlərini yaxşı tərəfdən göstərdiklərini bildirib.

"Hazırlıq dövrü olduğu üçün futbolçularda fiziki yüklənmə var. Bu oyunda da hiss olunurdu. Bəzi epizodlarda futbolçuların çatdırmamasının səbəbi də məhz budur. Əsas hədəfimiz çempionata yaxşı hazırlaşmaqdı. Bu yöndə məşqlərimiz davam edir. Çempionatın startına kimi komanda 70-80 faiz hazır olacaq. Yeni gələn oyunçular özlərini yaxşı tərəfdən göstərə bildilər. Onları bir daha bəyəndik. Bu tempdə davam etsələr, inanıram ki, komandaya çox böyük faydaları dəyəcək".

"Kəpəz" daha əvvəl "Turan Tovuz"a (0:4) və "Şamaxı"ya (1:2) uduzub.