Offsideplus.az xəbər verir ki, portuqaliyalı hücumçu “Lokomotiv”lə Rusiya paytaxtı Moskvadakı görüşdə meydana çıxmaqla avrokuboklarda 174-cü oyununu keçirib.

Bununla da Ronaldo qitəmiqyaslı klub turnirlərində ən çox qarşılaşma keçirən sahə oyunçusu Paolo Maldiniyə çatıb. “Milan”ın sabiq müdafiəçisi də 174 avrokubok matçının iştirakçısı olub. Oyun sayında bu iki futbolçu yalnız qapıçı İker Kasilyasdan geri qalır. İspan qolkiperin hesabında 188 qarşılaşma var.

Qeyd edək ki, Ronaldo dörd klubun – “Sportinq”, “Mançester Yunayted”, “Real” və “Yuventus”un heyətində üç turnirdə - Çempionlar Liqası, UEFA kuboku və UEFA Superkubokunda oynayıb.