Region Liqasının yarımfinal mərhələsində aprelin 22-də nəzərdə tutulan "FC Baku" – "Şahdağ" oyunu təxirə salınıb.

Offsideplus.az-ın AFFA-nın rəsmi saytına istinadən yaydığı xəbərə görə, buna səbəb II play-off mərhələsi çərçivəsində aprelin 6-da keçirilmiş “Füzuli” – “FC Baku” oyununun (0:1) nəticəsinin manipulyasiyası şübhəsi ilə bağlı federasiyaya daxil olan məlumatdır. 

Region Liqasının İşçi Qrupunun bu gün keçirilən iclasında matçın qeyri-müəyyən müddətə təxirə salınmasına qərar verilib.