Cənubi Amerikanın futbol konfederasiyası Argentina millisinin futbolçusu Lionel Messini cəzalandırmağa hazırlaşır.

Offsideplus.az "AS" nəşrinə istinadən xəbər verir ki, buna onun federasiyanı korrupsiyada ittiham etməsi səbəb ola bilər. Bildirilir ki, qurum 32 yaşlı hücumçunu bu açıqlamasına görə 2 il millinin oyunlarından kənarlaşdırmağı düşünür.

Əgər bu cəza tətbiq olunsa, Messi o zaman Amerika kuboku-2020-ni və DÇ-2022-nin seçmə mərhələsini buraxacaq.

Qeyd edək ki, Messi qırmızı vərəqə aldığı Çili ilə 3-cü yer uğrunda oyundan sonra federasiyanı korrupsiyada ittiham edib. O, yarışın təşkilatçılarını Braziliyanının turniri qalibi olmaq üçün çalışdıqlarını söyləyib.