Futbol üzrə Azərbaycan Kubokunda 2020/2021 mövsümünün püşkü atılıb.

Offsideplus.az xəbər verir ki, bu mövsüm yarışa Premyer Liqanın 8 komandası ilə yanaşı, I Divizion təmsilçilərindən “Turan Tovuz”, “Zaqatala”, “Kəpəz” və “Qaradağ Lökbatan” qatılıb.

Azərbaycan Kuboku

1/8 final

1. “Səbail” - “Zaqatala”

2. “Turan Tovuz” - “Qəbələ”

3. “Sabah” - “Kəpəz”

4. “Qaradağ Lökbatan” - “Zirə”

1/4 final

5. “Sumqayıt” - 1-ci cütün qalibi

6. “Qarabağ” - 2-ci cütün qalibi

7. “Keşlə” - 3-cü cütün qalibi

8. “Neftçi” - 4-cü cütün qalibi

1/2 final

9. 5-ci cütün qalibi – 6-cı cütün qalibi

10. 7-ci cütün qalibi – 8-ci cütün qalibi

Final

11. 9-cu cütün qalibi – 10-cu cütün qalibi

 

***

Bu gün futbol üzrə Azərbaycan Kubokunda 2020/2021-ci illər mövsümünün püşkatma mərasimi keçiriləcək.

Offsideplus.az-ın məlumatına görə, bu mövsüm yarışa Premyer Liqanın 8 komandası ilə yanaşı, I Divizion təmsilçilərindən “Turan Tovuz”, “Zaqatala”, “Kəpəz” “Qaradağ Lökbatan” qatılacaq. “CBC Sport” telekanalı vasitəsi ilə canlı yayımlanacaq püşkatma mərasimi 24 noyabr tarixdə AFFA-nın inzibati binasında keçiriləcək. Saat 13:00-da başlayacaq tədbir Azərbaycan Respublikası ərazisində koronavirus pandemiyası səbəbindən karantin rejimi tətbiq olunduğuna görə klub və KİV nümayəndələri üçün qapalı olacaq.

Ötən mövsüm Premyer Liqanı ilk 4 pillədə başa vurmuş "Qarabağ", "Neftçi", "Keşlə" və "Sumqayıt" komandaları mübarizəyə 1/4 final mərhələsindən başlayacaqlar. 1/8 final mərhələsinin püşkü qalan klubların iştirakı ilə atılacaq.

Qeyd edək ki, Azərbaycan Kubokunda mübarizəyə dekabrın 24-də start veriləcək. Həmin gün bir oyunluq sistemlə 1/8 final oyunları keçiriləcək. 1/4 final qarşılaşmaları isə 2021-ci il 1-2 fevral və 6-7 fevralda olacaq. Ötən mövsüm koronavirus pandemiyası ilə əlaqədar yarımçıq dayandırıldığından, kubokun qalibi müəyyənləşdirilməyib.